اسباب البرود في العلاقة الزوجية للزوجة والحلول

مقولة شهيرة بين الرجال لا المثقفة فاهمة ولا الجاهلة ناجحة ، شوف لك واحده من اياهم عندها خبرة تمشي حالك بيها .
عشان كده في رجاله من أزواجنا بيتفرجوا علي مواقع مش محترمه أو بيكلم واحده علي التليفون للإشباع أو
نوع تالت بيتجوز علي مراته ونوع رابع بيطلق مراته ونوع خامس بيزهد الحياة وبيتعقد من الستات ونوع سادس بيحاول مع مراته يعلمها للاسف وهي مش بينفع معاها تعليم او بتعتبر ان هما اتجوزوا وهو لازم يتقبلها كده وان الموضوع يخلص بينهم في أسرع وقت وهي كده أدت واجبها تمام مش مهم هو حصل له اشباع سعيد بالعلاقه او لأ المهم الواجب والروتين وخلصنا

لازم نثقف نفسنا وبناتنا باللي يناسب دينا ومجتمعنا عشان الست تعرف تعف زوجها

الزوجه الباردة جنسيا زي ما بيسموها الرجاله متي يطلق رجل علي زوجته لقب بارده
عندما لاتستطيع اشباع قدراته الجنسيه وافكاره وخيالاته في ستات بتسمع من ان جارتها عملت حركة رومانسيه
مع زوجها تجري تعملها او تقرا موضوع هنا علي المنتدي تنفذه وتحبط من ان زوجها مش متجاوب معاها او محبش الحركة دي فيجيلها احباط
لأ ربنا خلقنا كلنا مختلفين واللي ينفع مع واحد ما ينفعش مع التاني يعني ممكن تكوني انتي بتعملي حركات وبتلبس لبس معين هو مش بيحبه فيكي
اعرف زوج بيتحايل علي زوجته تلبس قدامه عبايات في البيت مش بيجامات لان جسمها بيثيرة في العبايه اكتر لان ماعندهاش الجزء اللي من تحت مليان وزوجته مصممه برضه تلبس بيجامه لان سلفتها بتلبس بيجامات وانا سلفتي مش اصغر ولا اشيك مني لازم بيجامه وخلاص عند

اسباب نفور الزوجه او انها تكون باردة ومش متجاوبة مع زوجها

1-الخجل والكسوف
2-الجهل التام بالعملية ومفاتيح الزوج
3-الزوجه تكون غير متقبله زوجها ومش بتحبه
4-رائحه الزوج غير نظيفه او او رائحه عرق تفوح منه او اسنانه غير نظيفه ورائحتها صعبة
5-قدرة الزوجه الجنسيه ضعيفه كلنا في الدنيا دي بختلف في القدرات بس ممكن تحسن نفسها وتزود قدرتها بالثقافه والتجاوب وحاجات كتير هنعرضها باذن الله
6-تهميش العمليه الجنسية اهم حاجه اكون ست بيت ممتازة اطبخ اربي العيال تمام واخر الليل ربع ساعه وخلصنا فين نظافه المراه الشخصية مافيش العلاقه الحميمة لازم باليل مش ممكن الصبح او الضهر لازم اوضه النوم ماينفعش بره في أي غرفه تاني يافضيحتي والعيال ممكن نسيبهم يوم عند جدتهم كام ساعه وقت دروس أي حاجه الستات ما بتغلبش ابني طفل وبيبكي الطفل بينام في وقت برضه بذاكر لابني يا ستات يعني زوجك لو احتاجلك مرة في اليوم نص ساعه نرفض وعندك باقي اليوم كله ليكي وهو بيطلب جزء بسيط ونزعل لو بص بره او غلط حاولي تستغلي كل فرصه عشان تسعديه وتسعدي نفسك قبله خلي الموضوع ده يكون متعه لييكي مش بتعمليه لزوجك وبس لو متعه ليكي صدقيني او لما ابنك ينام هتجري وتتفنني انتي في الموضوع هنعرف ازاي تاخدي متعتك كاملة

اسباب كتير وكتير اتمني كل واحده عندها معلومة تشاركنا لو لقيت تجاوب منكم هنزل الحلول العمليه خطوة خطوة باذن الله وكلنا نشارك بعض

*** رجاءا
عدم الخروج عن سياق الموضوع
وعدم عرض المشاكل الخادشة للحياء
والأسرار الزوجية الخاصة
وعرض المشكلة بشكل محترم
وبغير الدخول في أدق التفاصيل.
الإدارة

موضوع في غاية الاهميه تسسلم الايادي ياغالي ض54

» فن الاحتواء في العلاقة الزوجية
» أخطاء عن العلاقة الحميمية
» مفاتيح السعادة الزوجية